Dımash Qudaıbergen Qulsary turǵyndaryna qoldaý bildirdi
Tanymal ánshi sý tasqynynan zardap shekken Qulsary turǵyndaryna qoldaý bildirdi.
«Qıyn-qystaý kúnderde bir jaǵadan bas, bir jeńnen qol shyǵaryp, osylaı bir-birimizge kómek kórsetip júrýge jazsyn. Eń bastysy elimiz aman, jurtymyz tynysh bolsyn. Qazirgi tańda bizge birlik kerek. Sabyr saqtaý kerek. Qudaıdan úlken úmitpen jaqsylyq tileıik», - dedi Dımash.
Ánshiniń qıyndyqqa tap bolǵan jurttyń ortasyna kelip, janashyrlyq tanytyp jatqanyna qulsarylyqtar rıza bolyp, alǵysyn aıtty.
«Ózińiz kelip, kórinip, qoldaý bildirip jatqanyńyzǵa kóp-kóp rahmet», - dedi aýyl turǵyndarynyń biri.
Sondaı-aq, Dımash: «Memleket tarapynan jaǵdaı jasalady dep jańalyqtardan oqyp jatyrmyn, men de prezıdentimiz aıtqan soń sizdermen birge osyǵan senip otyrmyn. Búgingi kúni osy jerge kelýimizge osyndaı jaǵdaı sebep bolsa, aldaǵy ýaqytta tek qýanysh sebepterge kelip, qýanyshty ulǵaıta bereıik», - dep kópshilikti erteńge úmitpen qaraýǵa shaqyrdy.
Tabıǵı apatpen tynbaı kúresip jatqan sarbazdar jáne eriktilermen de júzdesip, jumys barysymen tanysty. Odan bólek, besinshi aýdannyń aq jaýlyqty analary ázirlegen aıttyq dastarhannan dám tatty.