Dımash Qudaıbergen «King Choice» reıtınginde alda kele jatyr

NUR-SULTAN. QazAqparat - – Álemge tanymal ánshi Dımash Qudaıbergen «King Choice» reıtınginde (Azııadaǵy eń symbatty 100 jigiti) kósh bastady, dep habarlaıdy QazAqparat.

Arnaıy saıttaǵy málimetterge qaraǵanda, D. Qudaıbergen 5,9 mln daýys jınady.

Ekinshi orynda 5 859 003 daýys alǵan Ońtústik Koreıanyń BTS tobynyń solısi (Kim Seokjin) tur.

Aıta keteıik, daýys berý bıylǵy 30 qyrkúıekke deıin jalǵasady.

19 qyrkúıekte «Jas Otan» Jastar qanatynyń belsendileri áleýmettik jelilerde «King Choice» reıtınginde Dımash Qudaıbergenge daýys berýdi qoldaý úshin #JasOtanQoldaidy aktsııasyn iske qosty.

«Jas Otan» JQ tóraǵasy Nurjan Jetpisbaev áleýmettik jelilerde qazaqstandyqtardy otandasymyzǵa daýys berýge shaqyrdy. Bul úndeý jasotandyqtar arasynda chellendjge ulasty.

«Sizderdi qazaqstandyq jastardyń taǵy bir ókili, tamasha daýys ıesi - Dımash Qudaıbergendi qoldaýǵa shaqyramyn. Qazaqstandyqtardyń ortaq kúsh-jigerimen biz baıqaýda jeńiske jetýge kómektesemiz dep senemin!»,- dep jazdy Nurjan Jetpisbaev.

Daýys berý erejelerimen @jas_otan Instagram jáne Facebook paraqshalarynda tanysýǵa bolady.⠀