Dımash Qudaıbergen Kıevte kontsert beredi
19:29, 21 Qazan 2019
NUR-SULTAN. QazAqparat – Qazaqstandyq tanymal ánshi Dımash Qudaıbergen 2020 jyly 11 naýryzda Ýkraına astanasynda kontsert beredi, dep habarlaıdy QazAqparat.
«Qymbatty dostar! 2020 jyldyń 11 naýryzynda Kıev qalasynda ótetin jeke kontsertime bılet satylymy bastalǵanyn qýanyshpen habarlaımyn. Bıletterdi kontsert seriktesi concert.ua saıtynan qaraýǵa bolady. Men sizderdi kútemin», - dedi Dımash óziniń beıneúndeýinde.
Aıta keteıik, kontsert Kıevtegi sport saraıynda ótedi. Bılettiń bastapqy baǵasy 700 grıvnadan bastalady. Bul – qazirgi kýrspen 10 962 teńge.
Aıta keteıik, 10 jeltoqsanda AQSh-tyń Nıý-Iork qalasynda Dımashtyń «Arnau tour ENVOY» jeke kontserti ótedi. Kontsertte ánshi jańa týyndylardy tanystyryp, tórt tilde án shyrqaıdy.