Dımash Qudaıbergen qazaqstandyqtardy Álınur Hamzın men Beknur Jánibekulyna daýys berýge shaqyrdy

NUR-SULTAN. QazAqparat - Dımash Qudaıbergen qazaqstandyqtardy Junior Eurovision baıqaýynda daýys berýge shaqyrdy, dep habarlaıdy QazAqparat.

Bul jaıynda ánshi óziniń Instagram paraqshasynda jazdy.

«Barsha qazaqstandyqtardy elimizdiń atynan qatysyp jatqan jas ónerpazdarǵa qoldaý kórsetip, daýys berýge shaqyramyz. Seniń daýysyń – bizdiń ortaq jeńisimiz!» dep jazdy Dımash Qudaıbergen.

Ol sondaı-aq qalaı daýys berý kerektigi jaıynda nusqaýlyq jarııalady.

Junior Eurovision 2021: Qalaı daýys beremiz?

- Junioreurovision.tv saı̆tyna kirińiz

- Barlyq qatysýshylardyń qysqasha beı̆nerolıgin qarańyz

- Álınur Hamzın men Beknur Jánibekulyn jáne taǵy eki eldiń qatysýshysyn tańdańyz.

Daýys berý 17 jeltoqsanda bastalǵan.

Aıta keteıik, bıyl Parıjdiń tórinde ótetin «Junior Eurovision» halyqaralyq án baı̆qaýynda Álınur Hamzın jáne Beknur Jánibekuly «Ertegi álemi» ánin shyrqap, elimizdiń namysyn qorǵaı̆dy.

Olar halyqaralyq baıqaýda 10 nomerimen óner kórsetedi.

Onlaın daýys berý 19 jeltoqsan saǵat 21.00-de ashylatyn aýqymdy fınaldyq kontsert bastalǵansha jalǵasady.

Sodan keıin barlyq qatysýshylardyń jandy daýystaǵy qoıylymynan keıin qaıtadan tek 15 mınýt ishinde daýys berýge bolady.

Kórermenderdiń daýys berý nátıjesi qazylar alqasynyń baǵalaýymen birge qorytyndylanady – osylaısha jeńimpaz anyqtalady.

Bıylǵy qatysýshylar Parıjdegi La Seine Musicale zalynyń sahnasynda óner kórsetedi.

Án baıqaýynyń translıatsııasyn saǵat 21:00-de «Habar» telearnasynan tikeleı efırde kórýge bolady.