Dımash Qudaıbergen Qazaqstan týrızminiń elshisine aınaldy - Kazakh Tourism

NUR-SULTAN. QazAqparat - «Kazakh Tourism» ulttyq kompanııasy» AQ basqarma tóraǵasynyń orynbasary Tımýr Dúısenǵalıev ánshi Dımash Qudaıbergenniń jetistigi Qazaqstannyń týrızmin qalaı kóterip jatqanyn aıtyp berdi, dep habarlaıdy QazAqparat tilshisi.

«Dımash Qudaıbergen qazirdiń ózinde Qazaqstan týrızminiń elshisine aınaldy. Ótken jyly elimizde óte sátti «Dımash-týr» sharasy ótkizilgen edi. Biz álemdegi Dımashtyń eń belsendi fan-klýbtarynyń ókilderin shaqyrdyq. Týr shartty túrde - «Dımash týr» jáne «AAA» dep ataldy. AAA degenimiz - Aqtóbe, Astana jáne Almaty. Bul shara óte aýqymdy qyzyǵýshylyq týdyrdy. Qudaıǵa shúkir, Dımash shyńǵa shyǵyp keledi. Onyń saǵat saıyn álemde abyroıy artyp kele jatqany qýantady. Dımashqa ǵashyq adamdar kóp. ıAǵnı, Dımash ózine ǵana emes, óziniń Otany Qazaqstanǵa degen qurmetti týǵyzady», - deıdi deıdi «Spýtnık Qazaqstan» baspasóz ortalyǵynda ótken brıfıng barysynda «Qazaq týrızm» Ulttyq kompanııasy tóraǵasynyń orynbasary Tımýr Dúısenǵalıev.

Eske sala ketsek, atalmysh brıfıngte Nur-Sultanda «Qazaqstan arýy» ulttyq baıqaýynyń fınaly ótetini habarlanǵan bolatyn. Baıqaý 2 mamyrda elordadaǵy Nomad-holda ótkizilmek.

Bıylǵy «Qazaqstan arýy» ulttyq baıqaýynyń arnaıy jobasy boıynsha QR Mádenıet jáne sport mınıstrliginiń qoldaýymen tanymdyq rolıkter jıyntyǵy jasalady. Bul kórkem, qysqa fılmderde óńirlik týrdyń jeńimpazdary óz óńiriniń týrıstik múmkindikterin kórsetedi. Mysaly, «Óskemen arýy» biregeı Rahman qaınary týraly, «Aqtóbe arýy» «Úıtas» tabıǵı eskertkishi jaıly, «Shymkent arýy» «Aq meshit» úńgiri týraly áńgimelep beredi.