Dımash Qudaıbergen ıtalıan tilinde jańa án oryndady
13:31, 29 Tamyz 2019
NUR-SULTAN. QazAqparat – Qazaqstandyq ánshi Dımash Qudaıbergen Sochıde ótken «Jańa tolqyn - 2019» án baıqaýynda ıtalıan tilinde jańa án oryndady, dep habarlaıdy QazAqparat.
«Passion» (Qumarlyq) týyndysynyń áýenin Igor Krýtoı, mátinin – Lılııa Vınogradova jazǵan.
Tolyq vıdeony ánshi óziniń Instagram-daǵy paraqshasynda jarııalady.
Aıta keteıik, buǵan deıin Dımash Tatarstan astanasynda ótken «WorldSkills Kazan 2019» sharasynda óner kórsetip, Tatarstan prezıdentimen kezdesken edi.
Sonymen birge, ánshi Qazan qalasyndaǵy hospıske arnaıy baryp, kishkentaı jankúıerimen kezdesti.