Dımash Qudaıbergen halyqaralyq kınofestıvalde «Tıtanıktegi» ándi oryndady

 ASTANA. QazAqparat -Dımash Qudaıbergen «Tıtanık» fılimindegi «My Heart Will Go On» hıt ánin oryndady, dep habarlaıdy QazAqparat. 

Dımash Qytaıdyń Haınan aralynda ótip jatqan kınofestıvalde ataqty Selın Dıonnyń oryndaýyndaǵy «My Heart Will Go On» ánin sahnaǵa alyp shyqty.

«Djekı Chan bastaǵan birinshi halyqaralyq kınofestıvaldiń qyzyl kileminde. Haınan.», - dep jazady ánshi óziniń Instagramdaǵy paraqshasynda.  

Sondaı-aq, ol «Sahna - meniń janym demalatyn oryn», - dedi.

Eske salsaq, Dımash Qudaıbergen Qytaıdyń Sanıa qalasynda «Álem arýy-2018» baıqaýynyń fınalynda qazaq tilindegi «Umytylmas kún» atty ánin shyrqady.

Biz budan buryn Dımash Qudaıbergenniń bıylǵy «Álem arýy» baıqaýynda óner kórsetetinin jazǵan bolatynbyz.