Dımash Qudaıbergen Erjan Maksımniń kontsertine qatysa ma

NUR-SULTAN. QazAqparat - Mádenıet jáne sport mınıstri Arystanbek Muhamedıuly jas ánshi Erjan Maksımniń kontsertine Dımash Qudaıbergenniń qatysatyny jóninde suraqqa jaýap berdi, dep habarlaıdy QazAqparat tilshisi.

«Qazir bireýden ozyp, eshteńe degim kelmeıdi. Kelisimderdiń bárine túpkilikti qol qoıylǵannan keıin bul jaıynda naqty aıta alamyz. Eshqandaı qupııanyń joqtyǵyn ózderińiz kórip otyrsyzdar. Valerıı Meladzege ótinish jasap edik, qýana kelisti. Sondyqtan, jas ónerpazdardy qoldaýǵa baǵyttalǵan osyndaı aktsııalar kóp bolsa degen tilek bar», - deıdi Arystanbek Muhamedıuly Úkimet otyrysynan keıin tilshilerdiń suraǵyna bergen jaýabynda.

Eske sala ketsek, buǵan deıin reseılik ənshi əri prodıýser Valerıı Meladze jas ənshi Erjan Maksımmen kezdesip, elordada ótetin jeke kontsertine kelýge ýəde bergen bolatyn.