Dımash Qudaıbergen BUU jenevalyq fılıalynyń basshysymen kezdesti

<p>Belgili ánshi Dımash Qudaıbergen Jenevaǵa baryp, BUU Jenevalyq fılıalynyń basshysy Tatıana Valovaıamen kezdesti. Bul týraly ánshi óziniń Instagram nda jazdy, dep habarlaıdy Kazinform.</p>

«Keshe, 6 qarashada tańǵajaıyp Jeneva qalasyna bardym. Onda men Birikken Ulttar Uıymynyń Jenevalyq fılıalynyń basshysy Tatıana Valovaıamen kezdestim. Kezdesý barysynda biz birlesken jobalardyń keleshegin talqyladyq. Sondaı-aq, belgili tulǵalardyń ámbebap adamı qundylyqtardy, beıbitshilik pen ózara túsinistik ıdeıalaryn ilgeriletýde erekshe ról atqara alatynyn atap óttik»,-dep jazdy Dımash.

Sondaı-aq ol Ulttar saraıynda bolyp, Jeneva kitaphanasy men BUU muraǵattaryndaǵy óner týyndylarymen, tarıhı qujattarmen jáne nysandarmen tanysqanyn aıtty.

Keıinirek Ýılson saraıynda - BUU-nyń Adam quqyqtary jónindegi basqarmasynda jáne halyqaralyq kóshi-qon uıymynyń shtab-páterinde kezdesýler ótken. 

«Sondaı-aq, Qazaqstannyń BUU janyndaǵy Jenevadaǵy Turaqty ókildigine baryp, qyzmetkerlermen jáne olardyń otbasy múshelerimen kezdestim. Turaqty ókil Erlan Álimbaevpen kezdesý barysynda men Jeneva alańyndaǵy Qazaqstannyń jumystarynyń basym baǵyttarymen tanystym»,-deıdi Dımash Qudaıbergen.