21:15, 20 Shilde 2017

Dımash Qudaıbergen álemdegi eń tanymal marapattardyń birin enshiledi

ASTANA. QazAqparat - Qazaqstandyq ánshi Dımash Qudaıbergen álemdegi eń úlken mýzykalyq marapattardyń birin enshiledi. Bul týraly ánshiniń prodıýseri ári resmı ókili Alpamys Sharımov Instagramdaǵy jeke paraqshasynda habarlady.

«Ekinshi kún qatarynan úlken marapat! Álemdegi eń úlken marapattardyń aldy bolyp tabylatyn MTV Music awards júldesi tuńǵysh ret qazaq balasynyń enshisinde! Bul tarıx! Qutty bolsyn, jan dosym!!!» - dep jazylǵan habarlamada.

Buǵan deıin Alpamys BAQ ókilderine Dımashtyń Gýanchjoýda ótetin MTV Music Awards Asia sharasyna qatysatynyn habarlaǵan. Qazaqstandyq ánshi onda «Azııanyń eń tanymal sheteldik ánshisi» atalymyna úmitker retinde qatysatynyn málim etken.

Eske sala keteıik, kúni keshe Dımash Qudaıbergen Qytaıda Asian Music GaLa marapattaý keshinde "Eń tanymal shet eldiń ánshisi" nomınatsııasynyń ıegeri atanǵan bolatyn.

Dımash Qudaıbergen Mádenıet Qytaı Óner

Erbol Janat

EUÝ-da jýrnalıstıka mamandyǵy boıynsha bakalavrıatty jáne magıstratýrany támamdaǵan. Stambýl memlekettik ýnıversıtetinde ǵylymı taǵylymdamadan ótken. «Qazaqstan» ulttyq telearnasynda, "Astana aqshamy" gazetinde tilshi bolǵan. 2014 jyldan beri Kazinform HAA-da shyǵarýshy redaktor qyzmetin atqaryp keledi.