Dımash Qudaıbergen «Álem arýy» baıqaýyna óz esimin ıelengen ushaqpen barady

ASTANA. QazAqparat - Dımash Qudaıbergen Qytaıdaǵy «Álem arýy-2018» baıqaýyna óz esimin ıelenip, sýreti japsyrylǵan ushaqpen barady, dep habarlaıdy QazAqparat. Bul týraly ánshi Instagramdaǵy paraqshasynda jarııalady.

Ózderińizge belgili, Dımash 8 jeltoqsan kúni Sanıa qalasynda ótetin «Álem arýy-2018» halyqaralyq baıqaýynyń fınalynda óner kórsetedi. Sondaı-aq, Qazaqstan atynan qatysatyn Ekaterına Dvoretskaıaǵa qoldaý kórsetedi.  

«Álem arýynda» kezdeskenshe!» dep jazdy Dımash Qudaıbergen óz paraqshasynda. Sóıtip, jazbamen birge óz sýreti japsyrylǵan ushaqtyń fotosyn jarııalady.

Bul erekshe ushaq týraly QazAqparat kezinde jazǵan-dy. «TianDao» jáne «Eastern company» kompanııalary birlesip, Dımash saýndtrek jazǵan «Moonlight blade» onlaın oıynyna arnalǵan ushaqty paıdalanýǵa bergen bolatyn. Ushaqta Dımash Qudaıbergenniń fotosy beınelengen.