Dımash Qudaıbergen «Álem arýy-2018» baıqaýynda án shyrqaıtyn boldy
12:08, 23 Qarasha 2018
ASTANA. QazAqparat - Áıgili qazaq ánshisi Dımash Qudaıbergen «Álem arýy-2018» baıqaýynda án shyrqaıdy. Bul týraly ánshi óziniń Instagramdaǵy paraqshasynda jazdy, dep habarlaıdy QazAqparat tilshisi.
«8 jeltoqsanda «Álem arýy» baıqaýynda qatysýshylardy qoldap án arnaımyn. Kóriskenshe», - dep jazdy ánshi paraqshasynda.
Aıta ketsek, 2018 jylǵy «Álem arýy - 2018» baıqaýy 8 jeltoqsanda Qytaıdyń Sanıa qalasynda 68-shi márte ótkiziledi. Atalmysh baıqaýda álemniń 120 elinen arýlar baq synaıdy.
«Álem arýy - 2018» konkýrsyna elimizdiń atynan Qazaqstannyń vıtse-arýy, qaraǵandylyq Ekaterına Dvoretskaıa qatysady. Jerlesimizge onlaın-daýysty myna silteme arqyly berýge bolady.