Dımash Qudaıbergen álem arýlaryn merekesimen quttyqtady

RIGA. QazAqparat - Álemge tanymal qazaqstandyq ánshi Dımash Qudaıbergen názik jandardy Halyqaralyq áıelder kúni merekesimen quttyqtady, dep habarlaıdy QazAqparat tilshisi.

«Barshańyzdy 8 naýryz merekesimen quttyqtaımyn! Sizderge barlyq jaqsylyqty, ıaǵnı baqyt, mahabbat, otbasynyń amandyǵyn tileımin. Armandaryńyz oryndalyp, balalaryńyz laıyqty adam bolyp óssin. Erlerińiz únemi jandaryńyzda bolsyn», - dedi D. Qudaıbergen Rıgadaǵy kontserti kezinde áıelderge arnap aıtqan quttyqtaýynda.

Ánshiniń quttyqtaýy jazylǵan vıdeony Instagram -daǵy estondyq óner súıer qaýymy jarııalady.

Eske sala keteıik, 7 naýryz kúni Rıgada Dımashtyń kontserti ótip, oǵan ánshiniń ónerin qurmetteıtinder álemniń 30 elinen keldi.

9 naýryzda Dımash Qudaıbergen Máskeýde, 11 naýryzda – Kıevte, 19 naýryzda – Gambýrgte, 21 naýryzda – Dıýsseldorfta, 25 naýryzda – Pragada, 29 naýryzda – Shtýtgartta, al 4 sáýirde Mınskte kontsert beredi dep kútilýde.