Dımash Qudaıbergen Aqtóbedegi jerlester forýmynda án shyrqaıdy
Aqtóbedegi jerlester forýmy 28-29 qyrkúıek kúnderi ótedi. Qobylandy batyr atyndaǵy ortalyq stadıonda 4500 óner adamy kontserttik baǵdarlamaǵa qatysady. Jerlester forýmynyń ashylý kezinde MýzART toby án shyrqaıdy. Sonymen qatar, aqtóbelik ánshi Mıras-Quralaı Bekjanovtar, Janar Aıjanova, opera ánshisi Venera Alpysbaeva óner kórsetedi. Dımash Qudaıbergen de týǵan jerinde ótetin jerlester forýmyna qatysyp, án shyrqaıdy.
«Dımash Qudaıbergen kelisimshart jasap, shetelde birneshe kontsertke qatysyp jatyr. Sondyqtan ánshiniń ushyp kelýiniń ózi qıynǵa soǵyp tur. 27-si kúni Qytaıda kontserti bar. Shanhaı-Úrimshi-Almaty-Astana arqyly 28 qyrkúıek kúni Aqtóbege keledi. Kontsert 13 myń kórermeni bolatyn stadıonda ótedi»,- dedi Aqtóbe oblysy ákiminiń orynbasary Erbol Nurǵalıeva.
Jospar boıynsha jerlester forýmy kezinde memlekettik-jekemenshik seriktestik aıasynda salynyp jatqan bilim, mádenıet, medıtsına salasynyń nysandary tanystyrylady. Olardyń arasynda qalalyq jedel járdem stantsııasynyń ǵımaraty bar. Túrik ınvestorlary qarjylandyrǵan joba aıasynda 3,5 mıllıard teńge jumsalady. Aldaǵy ýaqytta reanımobıl men medıtsınalyq qural-jabdyqtar satyp alýǵa qosymsha qarjy bólinedi. Sonymen qatar, Aqtóbege kelgen tanymal azamattarǵa paıdalanýǵa berilgen Hokkeı modýli kórsetiledi. Bul nysan qurylysyna 544 mıllıon teńge jumsaldy. Forým kezinde paıdalanýǵa beriletin nysandar da bar. Máselen, Jekpe-jek saraıy forým aıasynda ashylyp, dzıýdodan halyqaralyq týrnır ótkizeledi. Bul sporttyq jarysqa Jaqsylyq Úshkempirov, Dáýlet Turlyhanov, ıÝrıı Melnıchenko, Baqtııar Artaev, Ermahan Ibragımov keledi.
Buǵan deıin habarlaǵanymyzdaı, Aqtóbede forýmdy ótkizý jumysy jyl basynda qolǵa alyndy. Aldymen álemniń ár túkpirinde júrgen jerlester tizimi jasalyp, arnaıy zherlester.kz saıty ashyldy. Aqtóbede týyp-ósken azamattardyń aty-jónderi anyqtalyp, tizimi jasalyp, qazirgi jumys oryndary kórsetildi .