Dımash Qudaıbergen Aqtóbede ótip jatqan Baqytty Bala festıvaline keldi

AQTÓBE. QazAqparat - Ánshi Dımash Qudaıbergen Baqytty Bala festıvaline arnaıy keldi. Ol gala kontsertte óner kórsetedi, dep habarlaıdy QazAqparat tilshisi.

Aqtóbede Baqytty Bala baıqaýy bastaldy. Oǵan álemniń 7 elinen ónerpazdar qatysyp jatyr.

«Barlyǵy 200-ge jýyq adamnan ótinish tústi. Onyń 20-sy iriktelip, shaqyryldy. Baıqaý «Habar» arnasy men «Dımash Alı» shyǵarmashylyq ortalyǵynyń uıymdastyrýymen ótip jatyr. Oblys ákimdigi qoldady. 2018 jyly baıqaýǵa qatysýǵa 420, 2019 jyly 500-den astam adam ótinish berildi. Bul saıystyń salmaǵyn bildiredi»,- dedi oblystyq mádenıet basqarmasynyń basshysy Altynaı ıÝnısova.

Baıqaý eki kezeńnen turady. Іrikteýden ótip, fınalǵa shyqqandar eki án oryndaıdy. Biri ana tilinde, ekinshisi shetel tilinde.

Gala kontsertte «Slavıan bazary» baıqaýynyń jeńimpazy Rýhııa Baıdúkenova, Junior Eurovision baıqaýynyń júldegeri Qaraqat Bashanova án shyrqaıdy.

Sonymen birge «Baqytty bala» baıqaýynyń buǵan deıingi jeńimpazdary sahnaǵa shyǵady.

«Balalarǵa sáttilik tileımin. Aman bolsyn. Elimizdiń abyroıyn asqaqtatsyn»,- deıdi ánshi Dımash Qudaıbergen.