Dımash Qudaıbergen «Aqtóbe oblysynyń qurmetti azamaty» atandy

AQTÓBE. QazAqparat – Ánshi Dımash Qudaıbergenge «Aqtóbe oblysynyń qurmetti azamaty» ataǵyn berý usynysyn oblystyq máslıhat depýtattary biraýyzdan qoldady, dep habarlaıdy QazAqparat tilshisi.

«Aqtóbe oblysynyń qurmetti azamaty» ataǵy qoǵamdyq birlestikter men depýtattardyń usynysymen qaralyp, talqylandy. Barlyǵy 10 adamnyń aty-jóni atalǵanymen, tórteýi laıyqty dep tanyldy. Olar - fılosofııa ǵylymdarynyń doktory, professor Amangeldi Aıtaly, fılologııa ǵylymdarynyń doktory, professor Rábıǵa Syzdyq, «Atameken» kásipkerler men jumys berýshiler qaýymdastyǵy» qoǵamdyq birlestiginiń basqarma tóraǵasy Esimhan Qurmanǵazın. Qurmetti azamattar qatarynda búgin Nıý-Iorktegi kontsertin anshlagpen ótkizgen Dımash Qudaıbergen de bar.

«Dımash Qanatuly - ánshi, sazger. 2004 jyly A.Jubanov atyndaǵy Aqtóbe mýzykalyq kolledjin támamdady. Qazaq ulttyq óner ýnıversıtetiniń estrada-óner kafedrasynda oqyp jatyr. 2010-2013 jyldary birneshe vokaldyq konkýrstardyń jeńimpazy atandy. Qazaqstanda «Baıqońyr daýystary», «Jas qanat», Ýkraınadaǵy «Vostochnyı bazar», «Slavıanskıı bazar» baıqaýynyń jeńimpazy. 2014 jyly «Daryn» memlekettik syılyǵynyń laýreaty atandy. 2015 jyly «Jyl ánshisi» bolyp, 2016 jyly «Estrada ártisi» syılyǵyn ıelendi. 2017 jyly Qytaıda ótken baıqaýda júldegi oryn aldy», - dedi Aqtóbe oblysy ákiminiń apparat jetekshisi Nurjaýǵan Qalaýov.

Foto: vk.com/dimashdearseurasianfanclub