Dımash Qazaqstan ánuranyn shyrqaýdyń eń úzdik úlgisin kórsetti – Malaızııa áýejaıynyń qyzmetkeri eksklıýzıvti suhbat berdi

<p>ASTANA. KAZINFORM &ndash; Kýala-Lýmpýr áýejaıynda Qazaqstan ánuranyn shyrqaǵan dúken qyzmetkeriniń vıdeosy TikTok jelisine keńinen taraǵan edi. Qoǵam muny &laquo;Dımashtyń áseri&raquo; dep baǵalady. Osy oraıda&nbsp;<a href="https://kaz.inform.kz/" target="_blank" rel="noopener">Kazinform</a> agenttigi 32 jastaǵy Azızı Zamharıdi taýyp, Qazaqstan týraly oı-pikirin surady.</p>

@zh.asmiiin2 #fyp#malaysia ♬ orıgınalnyı zvýk - zh.asmiiin

«Malaızııanyń Mırı qalasynda týǵanmyn. Kýala-Lýmpýrda Malaızııa ýnıversıtetinde qoldanbaly hımııa bakalavry dárejesin aldym. Qazirgi ýaqytta Kýala-Lýmpýr halyqaralyq áýejaıynyń Duty Free aımaǵynda satý boıynsha keńesshimin. Vokalmen kásibı túrde aınalyspaımyn. Kúndelikti jumysta nemese úıimde ándetip júremin jáne sheteldik ánurandardy durys shyrqaý úshin áripterdiń qalaı dybystalatynyn zertteımin», - deıdi Azızı Kazinform agenttigine bergen suhbatynda. 

Foto jeke arhıvinen

Azızı 15 jasynan bastap álemniń túrli elderiniń ánurandaryn jattaýdy ádetke aınaldyrǵan. Qazirge deıin 40-tan astam eldiń ánuranyn úırendi. 

«Qazaqstan ánuranyn 2014 jyly YouTube jelisinen taptym. Keıinirek Dımashty tanı bastadyq. Menińshe, Dımashtyń oryndaýy – Qazaqstan ánuranyn shyrqaýdyń eń úzdik úlgisi. Jáne men onyń stıline elikteımin. Jaqynda Spotify jelisinen Dımashtyń «Smoke» ánin tyńdadym. Daýysy ǵajap», - dedi ol. 

Azızı Qazaqstanda TikTok jelisinde taraǵan vırýsty beınerolık jóninde pikir bildirdi jáne tańdanysyn jasyrmady. 

«Áýejaı menedjeri meni Qazaqstan elshiligi izdep jatqanyn, vıdeomnyń keń taralyp ketkenin aıtqanda, rasynda da tań qaldym. Oǵan deıin de Qazaqstan týraly – geografııasy, saıasaty, taǵamdary jáne tarıhy týraly kóp oqyǵanmyn. Men úshin Qazaqstan – «jasyrynyp jatqan injý-marjany» mol orasan zor el jáne onyń týrıstik áleýeti úlken. Meniń kóptegen otandastarym Qazaqstanǵa qydyryp barǵan. Maǵan ázirge jol túspedi, biraq Qazaqstanǵa barǵym keledi, qazaqsha ettiń dámi qandaı eken dep oılaımyn (kúldi). Qazaqstannyń ánurany sizdiń elińizdi tamasha sıpattaıdy dep oılaımyn. Bul sapar ómirimdegi eń ǵajap sátterdiń biri bolaryna senimdimin», - deıdi malaızııalyq tyńdarman. 

Foto jeke arhıvinen

Sonymen birge, Azızı Almaty men Kýala-Lýmpýr áýe reısi ashylǵanyn, eki el arasyndaǵy jolaýshylar aǵyny kóbeıgenin atap ótti. 

«Malaızııanyń úlken áýejaıynda ártúrli adamdarmen tildesý múmkindigi bar. Sóılesý aıasy keńeıgen saıyn úırenetin ánurandar da kóbeıe túsedi. Bárin qalaı esińde saqtaısyń dep surap jatady. Umytyp qalmaý úshin qaıtalap turý kerek. Únemi izdenip, únemi jańa dúnıelerdi oqýǵa tyrysamyn», - deıdi Azızı Zamharı. 

Aıta keteıik, búgin Prezıdent Qasym-Jomart Toqaev qazaqtyń ánuranyn aıtyp júrgen Dımashtyń sheteldik jankúıerleri jaıly pikir bildirgen edi.

Bıyl jańa jyl merekesinde Dımash Qudaıbergen Aqordada Aqordada sımfonııalyq orkestrdiń súıemeldeýimen ánuranymyzdy shyrqaǵan bolatyn. 

Foto jeke arhıvinen