Dımash 93 jasqa tolǵan Bıbigúl Tólegenovany týǵan kúnimen quttyqtady

ASTANA. QazAqparat – Belgili ánshi Dımash Qudaıbergen Bıbigúl Tólegenovany týǵan kúnimen quttyqtady, dep habarlaıdy QazAqparat.

«Qazaq án óneriniń negizin salýshy, tutastaı elimizdiń abyz anasy tek qýanyshqa bólene bergeı! Apamyz bıyl 93 jasta! Áli esimde 2015 jyly «Slavıan bazaryna» barǵaly jatqanda analyq aq batańyzdy berip tileýimdi tiledińiz. Qytaı elinde de, Amerıka elinde de,basqa memleketterde de jarysta júrgen kezderimde árqashan bata berip shyǵaryp salatyn kezderińiz mángi esimde qalady. Qazaq án óneriniń – anasy ekendigińiz sózsiz. Bıbigúl apa, sizge, myqty densaýlyq, uzaq ǵumyr, 95 jáne 100 jyldyǵyńyzdy dúrkiretip atap óteıik! Sizdiń kúsh jigerińiz, eńbek etken joldaryńyz barlyǵy bizge, barlyq jastarǵa úlgi ónege! Qazaq qoǵamy apamyzdyń ónerin saqtap, ǵasyrdan ǵasyrǵa jetkizý ár azamatqa paryz!», - dep jazdy ánshi jelidegi paraqshasynda.