«Dıkıı Armandy» qamaýda ustaý taǵy 2 aıǵa uzartyldy
15:33, 06 Maýsym 2023
ALMATY. QazAqparat- «Dıkıı Arman» laqap atymen tanymal Arman Jumageldıevti qamaýda ustaý merzimi 2023 jyldyń 7 tamyzyna deıin uzartyldy, dep habarlaıdy QazAqparat tilshisi.
«Almaty mamandandyrylǵan aýdanaralyq tergeý sotynyń 2023 jylǵy 5 maýsymdaǵy aqparaty boıynsha, sot qaýlysymen tergeý organdarynyń D.-ǵa qatysty qylmystyq is materıaldarymen tanysý kezeńinde qamaýda ustaý merzimin 2023 jyldyń 7 tamyzyna deıin uzartýǵa sanktsııa berý týraly ótinishi qanaǵattandyryldy», - delingen Almaty qalalyq sottyń baspasóz qyzmeti usynǵan málimette.
Eske salaıyq, byltyr 7 qańtarda Almatyda polıtseıler «Dıkıı Arman» laqap atymen tanymal qylmys áleminiń bedeldisi Arman Jumageldıevti ustaǵan bolatyn.Keıin QR Bas prokýratýrasy «Dıkıı Armanyń» Ulttyq qaýipsizdik qyzmetiniń tergeý ızolıatorynda otyrǵanyn jetkizdi.