«Dıkıı Arman» men Qaırat Qudaıbergenniń isi nege uzaqqa sozyldy – Joǵarǵy sot jaýaby

<p>ASTANA. KAZINFORM &ndash; Joǵarǵy Sot Qylmystyq ister jónindegi sot alqasynyń tóraǵasy Nazgúl Rahmetýllına Parlament palatalarynyń birlesken otyrysynan keıin BAQ ókilderine bergen suhbatynda Qańtar oqıǵasyna baılanysty aıyptalǵan &laquo;Dıkıı Arman&raquo; men Qaırat Qudaıbergenovtiń isi nege uzaqqa sozylyp jatqany týraly pikir bildirdi.&nbsp;</p>

«Dıkıı Arman» men Q.Qudaıbergenovtiń isi nege tym uzaq júrip jatyr? Qańtar tóńkerisiniń uıymdastyrýshylary retinde K.Másimovti, UQK basshylyǵyn sottap, S.Ábishevke shartty merzim kesti ǵoı. Al, «Dıkıı Arman» men Q.Qudaıbergenniń isi áli bitpeı jatyr», - dep surady jýrnalıst.

Nazgúl Rahmetýlınanyń paıymdaýynsha, másele istiń kúrdeli bolýyna baılanysty aıaqtalmaı jatyr.

«Men ol ispen tanys emespin jáne oǵan qol jetkize almaımyn. Óıtkeni is basqa ınstantsııada qaralyp jatyr. Sot óndirisindegi isterdiń bári, alǵashqy ne apellıatsııalyq ınstantsııadaǵy is bolsa da, ne bolyp jatqany týraly bizge esep bermeıdi. Ár ınstantsııa óz qyzmetin absolıýtti táýelsiz júrgizedi. Meniń bilýimshe, ıá, ısiz aıtyp otyrǵan istiń óndirisi áli aıaqtalmaǵan. Aıaqtalǵan sátte, árıne, aqparat bolady. ıAǵnı, sot tergeý júrip jatyr degen sóz. Keıbir ister bir epızodtan ǵana turady. Bir ǵana jábirlenýshi men jalǵyz kýáger bolsa, birneshe otyrystan keıin isti aıaqtaýǵa bolady. Al, keıbir isterde 50 sottalýshy, 250 jábirlenýshi bolady. Qylmystyq istiń materıaly orasan bolsa, sot onyń bárin tolyqtaı zertteýge mindetti. Sondyqtan men bul istiń naqty qashan aıaqtalatynyn aıta almaımyn», - dedi Joǵarǵy sot ókili.