«Dıkıı» Arman isi: Zardap shegýshiler ómirine qater tóngenin málimdedi
«Almaty qalalyq qylmystyq ister jónindegi mamandandyrylǵan aýdanaralyq soty A. Jumageldıev pen ózge de sottalýshylardyń isi boıynsha aldyn ala tyńdaýdy qaıta bastady. Birqatar zardap shegýshiden, keıbr sottalýshylar men olardyń advokattarynan, sonymen qatar kýágerlerden protsesti jabyq rejımde ótkizý týraly ótinish tústi. Olar ómirlerine, otbasylary men jaqyndarynyń qaýipsizdigine qater tónip turǵanyn málimdedi. Sonymen qatar sot sottalýshy men advokattyń prokýrorlarǵa qarsylyq bildirý týraly ótinishin qabyldamady», - delingen Almaty sottarynyń Facebook paraqshasynda jarııalanǵan aqparatta.
Sottalýshylardyń qatarynda 45 adam bar. Olarǵa QR Qylmystyq kodeksiniń 362 (bılikti nemese ókilettikti asyra paıdalaný), 262 (qylmystyq topty, qylmystyq uıymdy qurý jáne basshylyq jasaý, oǵan qatysý), 272 (jappaı tártipsizdik), 191 (tonaý), 126 (zańsyz bas bostandyǵynan aıyrý) 268-baptary (bandıtımz) boıynsha aıyp taǵylǵan.
Buǵan deıin elimizdiń Іshki ister mınıstrligi Arman Jumageldıevtiń 2021 jyly jeltoqsanda shetelden kelgenin jáne qańtar oqıǵasy kezinde Almatyda bolǵanyn habarlaǵan. Onyń 5 adamnan turatyn qylmystyq toby 2022 jyldyń 7 qańtarynda uıymdastyrylǵan arnaýly operatsııa barysynda ustaldy. Sol kezde kúdiktilerden ártúrli qarý-jaraq pen olardyń oq-dárileri, sýyq qarý jáne brondy avtomobıl tárkilendi.
QR Bas prokýratýrasy Arnaıy prokýrorlar qyzmetiniń bastyǵy Rızabek Ojarov «Dıkıı Arman» toby qańtar oqıǵasy kezinde 24 beıbit turǵyndy urlap, kúshtep ustaǵanyn aıtqan edi.