Dıqandardan tyńaıtqysh jetispeıdi degen shaǵym túsip jatyr – Oljas Bektenov

<p>ASTANA. KAZINFORM &ndash; Egistikke qatysty suraqtar Aýyl sharýashylyǵy mınıstrliginiń janyndaǵy jedel shtab jumysy aıasynda sheshiledi. &nbsp;Bul týraly Úkimet basshysy Oljas Bektenov málim etti.&nbsp;</p>

«Óńir ákimdikteri tyńaıtqyshtar men jeńildikpen dızel otynyn jetkizýdi jedeldetý qajet. Dıqandar tarapynan otandyq zaýyttarda tyńaıtqyshtar jetispeıdi degen shaǵym túsip jatqanyn aıta ketkim keledi. Sondyqtan Ónerkásip jáne qurylys mınıstrligi suranysqa ıe tyńaıtqyshtar óndirisiniń kólemin ulǵaıtý jóninde sharalar qabyldaýy tıis. Fıtosanıtarııalyq jaǵdaıǵa erekshe nazar aýdarǵan jón. Shegirtkeniń tabıǵı túrde eń kóp taralýy bıylǵa (2024 jyl) kelip tur. Bul máselege qatań jaýapkershilikpen qaraý kerek», - dedi Oljas Bektenov Úkimet otyrysynda.

Sonymen qatar Premer-Mınıstr Aýyl sharýashylyǵy mınıstrligine oblys ákimdikterimen birlesip, zııankesterdiń taralý oryndaryn anyqtaýǵa qosymsha resýrstardy jumyldyrýdy jáne óńdeý jumystaryn baqylaýǵa alýdy tapsyrdy. 

«Kóktemgi egis jumystaryn júrgizý boıynsha barlyq másele jedel sheshimin taýyp, turaqty baqylaýda bolýǵa tıis. Týyndaǵan máselelerdi Aýyl sharýashylyǵy mınıstrliginiń janyndaǵy jedel shtab jumysy aıasynda sheshý qajet», - dedi ol. 

Buǵan deıin Premer-mınıstr Oljas Bektenov jylý nysandaryn jańǵyrtýda bıýdjet tepe-teńdigin saqtaý qajettigin aıtqan edi.