«Digital Nomad Visa/Residency» vızasyn qansha sheteldik maman qoldandy

<p>ASTANA. KAZINFORM &ndash; Premer-Mınıstrdiń orynbasary Tamara Dúısenova Senat depýtattarynyń saýalyna bergen jaýabynda sheteldik mamandarǵa qandaı salyqtyq jeńildikter beriletinin aıtty.</p>

«Innovatsııalyq jobalardy damytý maqsatynda «Astana Hub» IT-startaptardyń halyqaralyq tehnoparki jumys isteıdi. Qatysýshylar úshin salyqtyq jeńildikter, aýmaqtan tys rejım, jeńildetilgen eńbek jáne vızalyq rejım qarastyrylǵan. Olar bilikti sheteldik baǵdarlamashylardy tartýdy yntalandyrý úshin engizilgen. Tsıfrlyq damý, ınnovatsııalar jáne aeroǵarysh ónerkásibi mınıstrliginiń janynan jumys toby jumys isteıdi. Oǵan sáıkes «bir tereze» qaǵıdatymen áleýetti «tsıfrlyq kóshpendilerge» qyzmet kórsetý boıynsha jaǵdaı jasaý úshin «Digital Nomad Visa/Residency» turaqty turýǵa ruqsat berýdiń ońaılatylǵan tetigin engizý baǵytynda is-sharalar jospary ázirlendi», - dep atap ótedi vıtse-premer jaýabynda.

Tamara Dúısenovanyń atap ótýinshe, mınıstrlik búgingi tańda atalǵan tetik boıynsha Qazaqstanda turaqty turýǵa ruqsat alý quqyǵymen 3 sheteldik IT-mamandy tartty.

«Budan basqa Salyq kodeksinde (621-bap) qabyldaýshy tulǵalardyń Qazaqstan Respýblıkasynyń vızalaryn berý jónindegi shaqyrýlaryn kelisý kezinde, sondaı-aq Qazaqstan Respýblıkasynyń vızalaryn berý, qalpyna keltirý nemese uzartý kezinde memlekettik baj tóleýden bosatylatyn adamdardyń tizbesi kózdelgen. Atalǵan tulǵalarǵa sheteldik ınvestorlar men etnıkalyq qazaqtar jatady», - dedi ol.