Digital Bridge: Jas startaperler ınvestorlarmen jıi kezdesý kerek
«Bir nemese bir jarym jyl ishinde jobalardy jasap jatqandar bar. Forým aıasynda keshe osyndaı mamandardan qarajatty qansha ýaqyt izdegenin, ınvestorlarmen qansha kezdesý ótkizgenin suradym. Olardyń biri ınvestorlarmen 6-7 kezdesý ótkizse, ekinshisi 10 kezdesýge barǵanyn aıtty. Biz osy jylda 225 kezdesý uıymdastyrdyq. Bul turǵyda kez kelgen startaptan ozyp shyqtyq», - dedi M. Ahmetsadyqov.
Onyń paıymynsha, ıdeıasyn iske asyrǵysy keletin jastar barshylyq, biraq olar ınvestorlarmen kezdesýde belsendi emes.
«Naryqta qarajat jetkilikti. Degenmen olar ınvestorlar joq ekenin aıtyp, negizsiz syltaý aıtady. Startapta eshqandaı jumys júrmeı jatyr. Jarty jylda 10 kezdesý degen óte az ǵoı, qarym-qatynas belsendi bolý kerek», - dedi Mırat Ahmetsadyqov.
Buryn habarlanǵandaı, elordada úshinshi ret Digital Bridge halyqaralyq tehnologııalyq forýmy 28-29 qazan aralyǵynda ótip jatyr.
Bıylǵy forýmnyń taqyryby - Digital Era Lifestyle. QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın «Tsıfrlandyrý, ınnovatsııa jáne ǵylym arqyly tehnologııalyq serpilis» ulttyq jobasyn usyndy.
Forýmnyń iskerlik baǵdarlamasy 20 paneldik sessııadan turady, onda 70 -ten astam spıker - halyqaralyq jáne qazaqstandyq IT -qaýymdastyqtardyń ókilderi sóz sóıleıdi. Elimizde úshinshi ret ótip jatqan Digital Bridge alańynda ádettegideı Astana Hub Battle jarysynda tehnologııalyq startaptar baq synasyp, eń myqty ІT-kompanııalar Astana Hub Awards premııasy aıasynda marapattalady. Bıyl pandemııa talaptaryna oraı is-sharalar gıbrıd formatta ótedi – birqatar resmı sharalar offlaın ótse, forýmnyń negizgi bóligi onlaın nusqada kórsetilip, kez-kelgen adam qatysa alady.