Digital Bridge 2023 forýmy ne berdi

<p>Tsıfrlyq damý, ınnovatsııalar jáne aeroǵarysh ónerkásibi mınıstrligi Aqparattyq tehnologııalar salasyn damytý departamentiniń dırektory Ersultan Ermanov 12-13 qazan kúnderi Astanada ótken &laquo;Digital Bridge 2023&raquo; halyqaralyq tehnologııalyq forýmynyń negizgi nátıjelerin atady, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

«Forým 2018 jyldan beri jyl saıyn ótkizilip keledi. Bıyl oǵan IT-saladaǵy eń tabysty qazaqstandyq jáne sheteldik sarapshylar, 30 elden kelgen delegatsııalar, 300-den astam IT-kompanııanyń ókilderi, 450 spıker, 100-den astam ınvestor men «bıznes-perishte» (startaptarǵa eń bastapqy kezeńinde qarjy quıatyn ınvestorlar), 150-den astam startaptyń avtory qatysty.

Forým aıasynda venchýrlyq ınvestor, Draper Fisher Jurvetson jáne Draper ýnıversıtetiniń negizin qalaýshysy Tım Draper, TikTok bas dırektory - Shoý Chý, Digital Nomads qaýymdastyǵyn negizin qalaýshysy Áset Abdýalıev, ICPC qorynyń atqarýshy dırektory Ýılıam Paýcher, Starlink máseleleri boıynsha SpaceX vıtse-prezıdenti Loren Dreıer, Arbuz, Aviata, Pinemelon USA jáne Ticketon onlaın qyzmetteriniń negizin qalaýshysy Alekseı Lı sııaqty tanymal adamdar shaqyryldy», - deıdi Ersultan Ermanov.

Onyń sózinshe, forým alańynda memlekettik organdar, iri kompanııalar, halyqaralyq tehnoparkter men basqa da uıymdar IT-ınnovatsııalardy damytýǵa baǵyttalǵan 29 qujatqa qol qoıǵan.

«Bizdiń mınıstrlik 3 memorandýmǵa qol qoıdy. Onyń ishinde ICPC qorymen 2024 jyly Qazaqstanda baǵdarlamalaý boıynsha álem chempıonatyn ótkizý týraly kelisim qabyldandy. Astana Hub halyqaralyq tehnoparki óńirde venchýrlik ınvestıtsııalardy tanymal etý arqyly Ortalyq Azııadaǵy tehnologııalyq startaptardyń ekojúıesin, Qazaqstannyń venchýrlik naryǵyn damytýǵa baǵyttalǵan 8 memorandýmǵa qol qoıdy.

Óz kezeginde, metaálemde ótken Job Fair jumys jármeńkesi de uıymdastyryldy, 20 iri kompanııadan 500-den astam bos jumys oryndary usynyldy», - dedi mınıstrlik ókili.

Atalǵan eńbek jármeńkesine álemniń kez kelgen núktesindegi adam onlaın formatta qatysýǵa múmkindik aldy.

«Forým aıasynda Astana Hub Battle baıqaýy ótti. Oǵan Ortalyq Eýrazııadan 200-den astam IT-kompanııalar qatysyp, IT-ónimderin usyndy. Astana Hub Battle jeńimpazdary bes nomınatsııa boıynsha anyqtalyp, árqaısysy 25 myń dollarǵa ıe boldy.

Jarystyń úzdikteri - MyMind, Porte, Beksar, MyStory jáne Qtap startaptary atandy», - dedi departament basshysy.