Digital Almaty 2024: startaptar baıqaýy ótedi

<p>ASTANA. KAZINFORM &ndash; 3 aqpanda Almaty qalasynda Industry 4.0 Startup Battle konkýrsynyń fınaly ótedi. Baıqaýda startaptar Digital Oil Field, ESG, Smart Mining baǵytynda baq synaıdy.&nbsp;Startaptar konkýrsy Digital Almaty halyqaralyq tsıfrlyq forým aıasynda uıymdastyrylyp jatyr.&nbsp;</p>

«Startup Battle - ónerkásip úshin tehnologııalyq startaptardyń shaıqasyna baǵyttalǵan Ortalyq Azııadaǵy aýqymdy is-shara. Qatysýshylar Digital Oil Field, ESG, Smart Mining baǵytynda jarysqa túsedi», - dedi Digital Almaty-2024 forýmyn uıymdastyrý komıtetiniń basshysy Ádııa Ahmetova Ortalyq kommýnıkatsııalar qyzmeti alańynda ótken baspasóz máslıhatynda.

Onyń aıtýynsha, negizgi trekterdiń árqaısysy 15 myń dollardan alady. Odan bólek, Qazaqstannyń startap ekojúıesin ónerkásiptik startaptar baǵytynda qoldaıtyn seriktesterdiń júldesi bar.

Startaptar konkýrsyna ótinimder 25 qańtarǵa (2024 j) deıin qabyldanady. Tolyq aqparatty battle.almatydigital.kz saıtynan bilýge bolady.

Digital Almaty halyqaralyq tsıfrlyq forýmyna qatysýǵa Iran, Úndistan, Belarýs, Qyrǵyz Respýblıkasy, Ózbekstan, Reseı jáne Qytaı halyqaralyq tehnoparkterinen ótinim kelip túsken.