Dıego Maradona 36 jyl buryn daýly gol soqqan dop aýktsıonǵa shyǵarylady

ASTANA. QazAqparat – Ataqty Dıego Maradona 36 jyl buryn daýly gol soqqan dop aýktsıonǵa shyǵarylady. Bul týraly QazAqparat euronews-ke silteme jasap habarlaıdy.

Argentınalyq fýtbolshynyń 1986 jylǵy álem chempıonatynyń Anglııaǵa qarsy shırek fınalynda soqqan ataqty goly keıinnen «Qudaı qoly» dep atalyp ketkeni belgili.

Kezdesý aıaqtalǵannan keıin daýly goldy esepke alǵan bas arbıtr dopty alyp ketken.

Sol dop qarashanyń aıaǵyna qaraı Londonda aýktsıonǵa shyǵarylmaq.

Sarapshylardyń paıymdaýynsha, ol 3 mln fýnt sterlıngige deıin baǵalanýy múmkin.

Foto: euronews.com