Dıde Desham Frantsııa quramasyn 2026 jylǵa deıin jattyqtyratyn boldy

ASTANA. QazAqparat – Frantsııa fýtbol federatsııasy ulttyq quramanyń bas bapkeri Dıde Deshammen kelisimshartty 2026 jylǵa deıin uzartý týraly sheshim qabyldady, dep habarlaıdy QazAqparat tilshisi.

Shampionat.com saıtynan alynǵan málimetke qaraǵanda, bul týraly atalǵan uıymnyń resmı saıty habarlaǵan.

D. Desham Frantsııa komandasynyń tizginin 2012 jyly maýsymda ustady. Sodan beri onyń basshylyǵymen el quramasy 139 matchta 89 jeńiske qol jetkizdi. 2018 jyly Reseıdegi álem chempıonatynyń, 2021 jylǵy Ulttar lıgasynyń jeńimpazy atandy. Sondaı-aq, 2016 jylǵy Eýropa, 2022 jylǵy álem birinshiliginiń fınalyna deıin jetti.

Qazirgi kezde Frantsııa FIFA reıtıngisinde úshinshi orynda tur. Sońǵy bes jyl boıy úzdik tórttikten tómendep kórgen emes.

Qatarda ótken álem chempıonatynyń fınalynda Frantsııanyń penaltı serııasynda Argentınaǵa jol bergeni belgili.

Eske sala keteıik, budan buryn Messıdiń 2022 jyldyń qorytyndysy boıynsha chempıondardyń chempıony atanǵanyn jazǵan bolatynbyz.

Sondaı-aq, Kılıan Mbappe Frantsııada jyldyń úzdik sportshysy atandy.