Dıas Jırenbaev mánerlep syrǵanaýdan Lıýksembýrg týrnıriniń jeńimpazy atandy

<p>ASTANA. KAZINFORM &mdash; Qazaqstandyq Dıas Jırenbaev mánerlep syrǵanaýdan Lıýksembýrgte ótken Coupe du Printemps halyqaralyq týrnıriniń jeńimpazy atandy.</p>

Sportty damytý dırektsııasynan málim etkenindeı, qos baǵdarlama qorytyndysynda Dıas 211.76 upaı jınady.

Bul – onyń sporttyq jolyndaǵy rekordtyq kórsetkishi. Osyǵan deıin 20 jastaǵy D.Jırenbaev eń joǵary 195.88 upaıyn 2024 jyly Qytaıda ótken tórt qurlyqtyń chempıonatynda jınaǵan edi. 

Lıýksembýrg jarysynda frantsııalyq Korentın Spınar (190.50 upaı) kúmis júldege ıe bolsa, ıspanııalyq Pablo Garsııa (178.38) úzdik úshtikti túıindedi. 

Atalmysh dodada 23 elden barlyǵy 115 sportshy qatysyp, baq synady.