Dıana hanshaıymnyń ólimin tergegen zańger AQHO sotynyń tóraǵasy bolyp taǵaıyndaldy
Lord Bernett 2017-2023 jyldar aralyǵynda Anglııa men Ýels Joǵarǵy sotynyń bas sýdıasy qyzmetin atqardy.
Ol Oksford ýnıversıtetiniń Pembrok-kolledjinde zańger mamandyǵy boıynsha bilim alyp, 1980 jyly Anglııa men Ýelstiń advokattar alqasyna jumysqa shaqyryldy. Joǵary dárejeli advokat (barrıster) retinde qyzmet atqaryp, 2003 jyldan bastap atalǵan uıymdy basqardy.
1992 jyldan bastap Tájdiń kishi zań keńesshisi, 1998 jyldan beri — Patshalyq zań keńesshisi (King`s Counsel) qyzmetin atqarady.
Advokattar alqasyndaǵy zańgerlik tájirıbesinen basqa, ol erekshe mańyzdy ister boıynsha keńesshi qyzmetin atqardy. Sonyń ishinde 1997 jyly bolǵan Ýels hanshaıymy Dıana men Dodı Faıedtiń ólimin tergegen.
Lord Bernett 2008 jyly sýdıa, 2011 jyldan 2014 jylǵa deıin Anglııa Batys okrýginiń tóraǵalyq sýdıasy retinde qyzmet atqardy.
2014 jyly Apellıatsııalyq sotqa taǵaıyndaldy. 2015 jyldan 2017 jylǵa deıin sýdıalardy taǵaıyndaý jónindegi Táýelsiz komıssııa tóraǵasynyń orynbasary boldy.
2017 jyldyń shildesinde Lord Bernett 59 jasynda 1958 jyldan beri qyzmetke taǵaıyndalǵan eń jas Lord-Bas sýdıa bolyp, Anglııa men Ýelstiń barlyq sottaryna tóraǵalyq etti.
Lord Bernett Ulybrıtanııada jáne búkil álemde minsiz bedelge ıe. Onyń AHQO Sotyna Sot Tóraǵasy bolyp taǵaıyndalýy AHQO Soty men AHQO úshin mańyzdy jetistik bolyp tabylady.
AHQO soty 2018 jyldyń 1 qańtarynan bastap istep, Lord Mans tóraǵalyq etken kezeńde qaralǵan isterdiń sany men qalyptasqan bedeli boıynsha uqsas kommertsııalyq sottardan edáýir ozdy.
2 qarashaǵa deıin AHQO soty 87 sheshim shyǵardy.
Olar AHQO sotynyń saıtynda qazaq, aǵylshyn jáne orys tilderinde jarııalanǵan. AHQO sotynyń búkil sheshimderi Qazaqstan sottarynyń qatysýynsyz AHQO soty ázirlegen satyly rásimderdi qoldaný arqyly Qazaqstan Respýblıkasynyń búkil aýmaǵynda 100%-ǵa oryndaldy.
Sot isinde talap etilgen eń úlken soma — 330 mıllıon AQSh dollar boldy. Búginde somasy birneshe mıllıon AQSh dollaryna teń sot isteriniń sany kóbeıip jatyr.
Qazaqstanda bıznes júrgizetin 27 eldiń ınvestorlary, sonyń ishinde Eýrazııa elderi, Qytaı, BAÁ jáne Úndistan sııaqty Qazaqstannyń negizgi saýda seriktesteri kommertsııalyq daýlardy sheshý alańy retinde AHQO sotyn tańdaıdy.
«Men úshin AHQO sotynyń tóraǵasy laýazymyn atqarý, osy laýazymda Lord Manstyń, al oǵan deıin Lord Výlftyń ornyn basý úlken mártebe. AHQO Soty táýelsiz sot tóreligi jáne bıznes pen ınvestıtsııalardy damytý úshin senimdi negizdi qamtamasyz ete otyryp, zań ústemdigi qaǵıdatyn qatań saqtaýdyń arqasynda álemde tanylǵan bedelge ıe. AHQO soty Qazaqstan úshin ǵana emes, jalpy Eýrazııanyń búkil óńiri úshin de erekshe mańyzǵa ıe. Men Qazaqstan basshylyǵynyń AHQO soty men „Astana“ halyqaralyq qarjy ortalyǵyn ilgeriletýdegi kóregendigimen kelisemin jáne eki ınstıtýttyń da úzdik nátıjelerge qol jetkizýdi jalǵastyratynyna senimdimin. Men aldymdaǵylardyń izimen júrip, AHQO sotynyń odan ári tabysty bolýyna úles qosýǵa tyrysamyn», — deıdi Lord Bernett.
Lord Mans óz kezeginde Qazaqstan Respýblıkasynyń basshylyǵyna kórsetken senimi úshin rızashylyǵyn bildirdi.
«Sońǵy tórt jylda AHQO soty ujymynyń atqarǵan jumysymen maqtanamyn. AHQO soty — Eýrazııadaǵy biregeı uıym. Qysqa ýaqyt ishinde uqsas kommertsııalyq sottarynyń kórsetkishterinen edáýir asyp túsetin kólem, beıin men bedel qalyptastyrdy. Sot saıtynda qaralǵan jáne oryndalǵan daýlardyń aýqymy men tereńdigin kórýge bolady. Qazaqstandaǵy jáne Eýrazııanyń basqa elderindegi ınvestorlar kommertsııalyq quqyq salasyndaǵy joǵary halyqaralyq standarttarǵa jáne zań ústemdigi qaǵıdatyn qatań saqtaýǵa negizdelgen sottan tek táýelsiz jáne beıtarap sot tóreligin kútýge bolatynyna senedi. Lord Bernetten AHQO Sotynyń qyzmetin odan ári jalǵastyrýyn asyǵa kútemin jáne AHQO-nyń barlyq ujymyna izgi tilekterimdi bildiremin», — dedi ol.
Іs-shara sheńberinde AHQO sotynda birqatar basqa da taǵaıyndaýlar boldy.
Atap aıtqanda, sýdıa Tom Montegıý-Smıt K.S. AHQO Usaq daýlar sotynan AHQO Birinshi ınstantsııadaǵy sotyna aýysty. Djozefına Hıggs K.S. jáne Saıma Hanıf K.K. AHQO Usaq daýlar sotynyń sýdıalary bolyp taǵaıyndaldy.