Dezınfektsııa ókpe qabynýyna yqpal ete me: Bekshınniń jaýaby

ALMATY. QazAqparat - Almaty qalasynyń bas sanıtarııa dárigeri Jandarbek Bekshın dezınfektsııa quraldarynyń pnevmonııa aýrýyn qozdyrmaıtynyn aıtty, dep habarlaıdy QazAqparat tilshisi.

J. Bekshınniń aıtýynsha, adamdar ózin-ózi emdemek bolyp aýrýyn asqyndyryp alady. Kez-kelgen aýrýdy bilikti maman emdegeni durys.

Qalalyq Taýarlar men qyzmetterdiń sapasy men qaýipsizdigin baqylaý departamentiniń aqparatyna sáıkes, sımptomsyz júrgen naýqastar qaýip týdyryp otyr.

Keı jaǵdaıda tynys alý joldarynyń shyryshty qabyǵyndaǵy koronavırýs sımptom týdyrmasa da ókpege túse kele qabyný týdyrýy múmkin.

«Infektsııa joǵarǵy tynys joldarynan jyljı kele ókpege túsedi. Joǵarǵy tynys joldary taza bolady da, PTR taldaýy eshteńe kórsetpeıdi. Al ınfektsııa tómengi tynys joldaryna túsip ketýi múmkin», - dedi J.Bekshın.

Onyń aıtýynsha, búginde qalanyń statsıonarlyq ortalyqtarynda 700 naýqas jatyr.

«Olar kezinde sımptomsyz júrip, keıin pnevmonııasy asqynǵan naýqastar», - dedi ol.

Jandarbek Bekshın dezınfektsııa quraldarynyń barlyǵy Qazaqstanda tirkelgen, EAEO aýmaǵynda qoldanystaǵy, sertıfıkattalǵan quraldar bolyp tabylatynyn aıtty.

«Negizinen Glıýkozamın men Akma-Hlor 0,003% jáne 0,05% dozasynda qoldanylady. Bul adam aǵzasy úshin qaýipsiz kontsentratsııa», - dedi Bekshın.