Devıs kýboginiń irikteý matchyna qatysatyn Qazaqstan quramasy anyqtaldy

ASTANA. QazAqparat – Tennısten Qazaqstan erler quramasy 4-5 aqpanda syrt alańda Chılımen Devıs kýboginiń irikteý matchyn ótkizedi, dep habarlaıdy QazAqparat tilshisi.

Qazaqstan tennıs federatsııasynan málim etkendeı, ıÝrıı Şýkın bastaǵan bapkerler shtaby quramaǵa qatysatyn oıynshylardy anyqtady.

El namysyn myna tennısshiler qorǵaıdy: Aleksandr Býblık (ATP reıtıngisinde 36-orynda), Tımofeı Skatov (124, ATP), Mıhaıl Kýkýshkın (195, ATP), Andreı Golýbev (49, ATP juptyq reıtıngisi), Aleksandr Nedovesov (55, ATP juptyq reıtıngisi).

«Qarsylastar hard maýsymy kezinde nege topyraq tósenishin tańdady? Óıtkeni Chılı komandasynyń barlyq oıynshylary osy topyraq tósenishinde jaqsy óner kórsetedi. Sondyqtan bul olar úshin óte tıimdi», dedi ıÝ.Şýkın.

Match La-Serena qalasynda ótedi. Devıs kýboginiń irikteý matchtary úsh settik tórt jekeleı jáne bir juptyq básekeden turady.

Úzdik shyqqan 12 komanda týrnırdiń fınaldyq kezeńine joldama alady.

Olarǵa ótken jylǵy kýboktiń fınalısteri Kanada men Aýstralııa, sondaı-aq wild card (arnaıy shaqyrtý) alǵan Italııa men Ispanııa quramalary qosylady.

Eske sala keteıik, budan buryn Elena Rybakınanyń Adelaıda týrnıriniń shırek fınalyna shyǵa almaǵanyn jazǵan bolatynbyz.

Foto: Qazaqstan tennıs federatsııasy