Devıs kýbogi: Tımofeı Skatov Qazaqstan quramasy sapynda alǵashqy jeńisine qol jetkizdi

ASTANA. QazAqparat – La Serena qalasynda Devıs kýbogi aıasynda Chılı – Qazaqstan irikteý matchy bastaldy, dep habarlaıdy QazAqparat tilshisi.

Atalmysh básekede Tımofeı Skatov pen Krıstıan Garrı birinshi bolyp kortqa shyqty.

Bul T.Skatovtyń Qazaqstan quramasy sapyndaǵy alǵashqy oıyny bolatyn.

Birinshi partııada qazaqstandyq tennısshi 3:0 esebimen alǵa ketti. Chılılik sportshy qaıyra breık jasaǵanymen, Tımofeıdi toqtata almady. Esep – 6:1, Skatovtyń paıdasynda.

Ekinshi setti de qazaqstandyq sportshy tamasha bastady – 4:0. Budan keıin K.Garrı esepti qysqartqanymen, T.Skatov qaıtadan 5:2-ge jetkizdi. Sodan keıin matchqa dop bergende, óz múmkindigin jibergen joq – 6:3.

Bir saǵat 38 mınýtqa sozylǵan oıynda T.Skatov 10 breık-poınttyń altaýyn paıdalandy.

Osylaısha, Qazaqstan alǵa shyqty – 1:0.

Endi Aleksandr Býblık pen Nıkolas Harrı sheberlik talastyrady.

Eske sala keteıik, budan buryn Qazaqstan quramasynyń Devıs kýbogi irikteý matchyna daıyndyqty bastaǵanyn jazǵan bolatynbyz.

Sondaı-aq Tımofeı Skatovtyń Qazaqstan quramasy sapynda ózin kórsetetin ýaqyt kelgeni týraly aıtty.

Qazaqstan – Chılı matchynyń jerebesi tartyldy.

Sýretter – Qazaqstan tennıs federatsııasy