Devıs kýbogy: Qazaqstan jasóspirimder quramasy alǵashqy jeńisine qol jetkizdi

<p>ASTANA. KAZINFORM &ndash; Antalııa qalasyndaǵy (Túrkııa) Megasaray Tennis Academy topyraq tósenishindegi ashyq korttarynda jasóspirimder arasynda Devıs kýbogynyń fınaldyq kezeńi ótip jatyr.</p>

Qazaqstan jasóspirimder quramasy V tobynda alǵashqy kezdesýinde Ońtústik Afrıka Respýblıkasyn 3:0 esebimen oısyrata jeńdi. 

Aldymen Damır Jalǵasbaı (№ 198 ITF Juniors) Djon Botmany (№ 219 ITF Juniors) 6:1, 7:6 (7:5) esebimen tize búktirdi. 

Foto: QTF

Ekinshi bolyp kortqa óz eliniń birinshi raketkalary shyqty. Zańǵar Nurlanuly (№ 77 ITF Juniors) Konnor Doıgqa (№ 135 ITF Juniors) esh múmkindik qaldyrmady – 6:1, 6:1.

Juptyq synda Damır Jalǵasbaı men Danıel Tazabekov 45 mınýttyń ishinde Djon Botma – Djeıden Sandersti tas-talqan qyldy – 6:1, 6:1. 

Seısenbi kúni Qazaqstan quramasy Gonkongpen kezdesedi. V tobynda Qazaqstan men Frantsııa alda keledi. Frantsııalyqtar da Gonkongty 3:0 esebimen utty. 

Eske sala keteıik, budan buryn jasóspirimder arasynda Devıs kýbogynda Qazaqstan quramasynyń qarsylastary anyqtalǵanyn jazǵan edik. 

Sondaı-aq Elena Rybakına álemdik reıtıngide altynshy orynǵa túsip qaldy.