Devıs kýbogy: Qazaqstan jasóspirimder quramasy álemniń tórt dúrkin chempıonyn utty

<p>ASTANA. KAZINFORM &mdash; Antalııa (Túrkııa) qalasynda jasóspirimder arasynda Devıs kýbogynyń toptyq básekeleri máresine jetti.</p>

V tobynda sońǵy kezdesýinde Qazaqstan quramasy jasóspirimder arasynda álemniń tórt dúrkin chempıony (1992, 1993, 1996, 2005 jyldar) Frantsııany utty.

Foto: Qazaqstan tennıs federatsııasy

Qazaqstan quramasynyń kapıtany Sergeı Kvak birinshi oıynǵa Danıel Tazabekovti shyǵardy. Ol attasy Danıel Jadqa ese jiberdi — 4:6, 4:6.

Ekinshi bolyp kortqa óz eliniń birinshi raketkalary Zańǵar Nurlanuly men Mýaz Kýame shyqty. Jasóspirimder arasynda álemdik reıtıngide 52-orynda turǵan Kýame birinshi partııada 6:2 esebimen basym tústi. Esesine Zańǵar kambek jasaı bildi — 6:3, 6:1.

Juptyq, sheshýshi básekede Damır Jalǵasbaı men Danıel Tazabekov Danıel Jad — Ferdınan Lıve Novkırıshkany bir saǵatqa jetpeıtin ýaqyt ishinde tas-talqan etip jeńdi — 6:0, 6; 3.

Osylaısha, Qazaqstan jasóspirimder quramasy óz tobynan birinshi orynmen shırek fınalǵa shyqty. Onyń kelesi qarsylasy Japonııa nemese Taıbeıdiń bireýi bolmaq. Shırek fınaldyq match erteń ótedi.

Eske sala keteıik, budan buryn Devıs kýbogynda Qazaqstan jasóspirimder quramasynyń alǵash ret shırek fınalǵa shyqqanyn jazǵan bolatynbyz.