Devıs kýbogi: Qazaqstan – Chılı matchynda tarazy basy teńesti

ASTANA. QazAqparat – La Serena qalasynda Devıs kýbogi aıasynda Chılı – Qazaqstan irikteý matchy ótip jatyr, dep habarlaıdy QazAqparat tilshisi.

Bastapqy kezdesýde Tımofeı Skatov qarsylasyn jeńgennen keıin, kezek Qazaqstannyń birinshi raketkasy Aleksandr Býblıkke keldi.

Topyraq tósenishindegi korttar A.Býblıktiń oń jambasyna onsha kele qoımaıdy. Oıyny da júrmeıdi. Sondyqtan bolsa kerek, Nıkolas Harrı birinshi partııada birden breık jasap, alǵa shyqty. Taǵy bir breık – 5:2, sodan keıin setti sátti bitirdi – 6:2.

Ekinshi sette chılılik tennısshi breıkpen bastaǵanymen, qazaqstandyq sportshy sol boıda tarazy basyn teńestirdi – 2:2. Alaıda qaıtadan óz geımderin berip qoıdy – 2:5. N.Harrı matchqa dop bergende, qatelesken joq – 6:2.

Kezdesý bir saǵattan sál astam ýaqytqa sozyldy.

Osylaısha, Qazaqstan – Chılı matchynda tarazy basy teńesti. Esep – 1:1.

Jeksenbi kúnge úsh oıyn belgilengen. Úsh jeńiske qol jetkizgen komanda Devıs kýboginiń fınaldyq kezeńine joldama alady.

Eske sala keteıik, budan buryn Tımofeı Skatovtyń Qazaqstan quramasy sapynda ózin kórsetetin ýaqyt kelgeni týraly aıtqanyn jazǵan bolatynbyz.

Sondaı-aq Qazaqstan – Chılı matchynyń jerebesi tartyldy.

Devıs kýboginde Tımofeı Skatov Qazaqstan quramasy sapynda alǵashqy jeńisine qol jetkizdi.