Devıs kýbogi: Qazaqstan – Bolgarııa matchynyń jerebesi tartyldy

Sofııa qalasynda Devıs kýboginiń pleı-off kezeńinde 16-17 qyrkúıekte ótetin Bolgarııa – Qazaqstan matchynyń jerebesi tartyldy, dep habarlaıdy QazAqparat tilshisi.

Qazaqstan tennıs federatsııasynan málim etkenindeı, básekeniń birinshi kúni Astana ýaqytymen saǵat 15.00-de kortqa elimizdiń ekinshi, álemniń 123-raketkasy Tımofeı Skatov alǵashqy bolyp kortqa shyǵady.

T.Skatov reıtıngte 179-orynda turǵan Dımıtar Kýzmanovpen synǵa túsedi.

Jıyrma mınýttan keıin Qazaqstannyń birinshi, álemniń 29-raketkasy Aleksandr Býblıkke kezek keledi. Ol reıtıngte 569-satydaǵy ıAnakı Mılevtiń shamasyn baıqap kóredi.

Jeksenbi kúni, 17 qyrkúıekke úsh kezdesý josparlanǵan. Aldymen Aleksandr Nedovesov pen Andreı Golýbev Aleksandr – Donskı – Aleksandr Lazarovpen sheberlik baıqasady. Sodan keıin A.Býblık D.Kýzmanovpen, T.Skatov ıA.Mılevpen kezdesedi.

Jeńimpaz komanda aldaǵy jyldyń aqpanynda Devıs kýboginiń fınaldyq kezeńine shyǵý úshin taǵy bir qarsylasymen match ótkizedi.

Eske sala keteıik, budan buryn Qazaqstan quramasynyń kapıtany ıÝrıı Şýkınniń Devıs kýboginde kútpegen nátıje bolýy múmkin ekendigin aıtqanyn jazǵan bolatynbyz.

Sondaı-aq ıÝlııa Pýtıntseva juptyq synda Osaka týrnıriniń fınalyna shyqty.