Devıd Perrısh: Astana halyqaralyq forýmy problemalardyń sheshilýine yqpal etedi

ASTANA. QazAqparat - «Astana» halyqaralyq forýmyna qatysýshylardyń qatarynda mádenı jáne kreatıvti ındýstrııalardy damytý salasyndaǵy halyqaralyq sarapshylar da bar, dep habarlaıdy QazAqparat tilshisi.

Brıtanııalyq maman Devıd Perrısh - baıandamalary, oqytý semınarlary jáne kitaptary arqyly jer-jahanda tanymal bıznes-keńesshi. Ol álemniń 60-tan astam elinde jumys istegen. Alqaly jıynda Perrısh tabysqa jetý úshin bıznes pen shyǵarmashylyqty ushtastyrýdyń utymdy joldary týraly aıtyp bermekshi.

«Forým kóshbasshylar men sarapshylardyń basyn qosady jáne keıbir kókeıkesti álemdik problemalardy sheshýdiń praktıkalyq joldaryn usynady. Jıynda men jahandyq kreatıvti ekonomıkada shyǵarmashylyqtyń mańyzdylyǵy jáne jańadan paıda bolyp jatqan trendter men syn-tegeýrinder týraly sóz qozǵaımyn. Budan bólek úkimet pen memlekettik uıymdar shyǵarmashyl kásipkerlerdi qalaı qoldaı alatynyn jáne halyqaralyq baılanystardy qalaı keńeıtýge bolatynyn aıtamyn. Sonymen qatar kreatıvti ındýstrııadaǵy ınnovatsııanyń róli týraly jáne sońǵysy osy saladaǵy kásipkerler shyǵarmashylyqta da, kommertsııalyq turǵyda da qalaısha jetistikke jete alady degen taqyryptarda sóz sóıleımin», deıdi bıznes-keńesshi Devıd Perrısh.