Devıd O'Sallıvan Qazaqstan men Eýroodaq arasynda vıza rejımin jeńildetý týraly pikir bildirdi

<p>ASTANA. KAZINFORM &ndash; Eýropalyq Odaqtyń sanktsııalar jónindegi arnaıy ókili Devıd O'Sallıvan Astanada ótken baspasóz konferentsııada Qazaqstan men Eýroodaq arasynda vıza rejımin jeńildetý týraly pikir bildirdi.&nbsp;</p>

«Jalpy Qazaqstan men Eýropalyq odaq arasyndaǵy qarym-qatynas jaqsy damyp keledi. Biz mańyzdy seriktes bolyp otyrmyz. Eýropalyq Odaq Qazaqstan úshin iri saýda seriktes jáne tikeleı sheteldik ınvestıtsııalardyń iri kózi bolyp otyr, Sondaı-aq, biz osy seriktestik aıasynda eki aradaǵy ekonomıkalyq áriptestikti damytamyz», - dedi ol.

Eýropalyq Odaq ókili eki aradaǵy vıza rejımin jeńildetý máselesi boıynsha kelissóz bastalǵanyn atap ótti.

«Bizdiń vıza rejımin jeńildetý boıynsha kelissózdi bastaǵanymyz qýantady. Bul áriptestik baılanystardy odan ári nyǵaıtýǵa óz septigin tıgizedi», - dedi Devıd O'Sallıvan.