Devıd Kemeron resmı saparmen Qyrǵyzstanǵa barady

<p>ASTANA. KAZINFORM &mdash; 22-23 sáýirde Ulybrıtanııa Syrtqy ister mınıstri Lord Devıd Kemeron qyrǵyz áriptesiniń shaqyrýymen Qyrǵyzstanǵa resmı sapar jasaıdy.</p>

Qyrǵyz Respýblıkasy Syrtqy ister mınıstrliginiń habarlaýynsha, kezdesý barysynda eki eldiń syrtqy ister vedomstvolarynyń basshylary kelissózder júrgizip, ekijaqty qyrǵyz-brıtan yntymaqtastyǵynyń perspektıvalaryn talqylaıdy.

Sapar baǵdarlamasyna Devıd Kemeron men Qyrǵyzstan prezıdenti Sadyr Japarov pen Mınıstrler kabınetiniń basshysy Aqylbek Japarovtyń kezdesýi kiredi.

Buǵan deıin Ulybrıtanııanyń burynǵy premer-mınıstri Devıd Kemeronnyń Tájikstanǵa sapary habarlanǵan bolatyn.