Devıd Kemeron Astanaǵa resmı saparmen keldi

<p>ASTANA. KAZINFORM &ndash; Ulybrıtanııa jáne Soltústik Irlandııa Qurama Koroldiginiń Syrtqy ister, Dostastyq jáne halyqaralyq damý mınıstri Devıd Kemeron Astanaǵa resmı saparmen keldi.</p>

Bul týraly QR syrtqy ister mınıstrliginen málim boldy.

Osyǵan deıin 24-25 sáýirde Ulybrıtanııa jáne Soltústik Irlandııa Qurama Koroldiginiń Syrtqy ister, Dostastyq jáne halyqaralyq damý mınıstri Devıd Kemeronnyń Qazaqstan Respýblıkasyna sapary ótetini habarlandy.

Astanada D.Kemeron memleket basshylyǵynyń qabyldaýynda bolyp, Premer-Mınıstrdiń orynbasary – Syrtqy ister mınıstri Murat Nurtileýmen kelissózder ótkizedi.

Sapar aıasynda saıası, saýda-ekonomıkalyq jáne mádenı-gýmanıtarlyq salalardaǵy ekijaqty yntymaqtastyq máselelerin, sondaı-aq ózekti óńirlik jáne halyqaralyq taqyryptardy talqylaý josparlanyp otyr.

Sapar qorytyndysy boıynsha birqatar ekijaqty qujattarǵa qol qoıylady degen jospar bar.

Sondaı-aq «Devıd Kemeron Qazaqstanǵa ne úshin kele jatyr», degen taqyryppen kólemdi saraptamalyq materıal jarııalandy.