Destrýktıvti ıdeologııa taratqan mıssıonerlerdiń jumysyna tolyq shekteý qoıyldy – UQK

ALMATY. QazAqparat – QR UQK terrorızmge qarsy ortalyq bastyǵynyń orynbasary, UQK polkovnıgi Sergeı Shveıkın elimizdegi dintanýshylar men teologtar destrýktıvti aǵymdarmen kúreste qalaı jumys júrgizip jatqanyn aıtyp berdi, dep habarlaıdy QazAqparat tilshisi.

«Din salasyndaǵy mamandardyń aldyndaǵy basty mindet – Qazaqstan Respýblıkasynyń 2018-2022 jyldarǵa arnalǵan Dinı ekstremızm men terrorızmge qarsy kúres baǵdarlamasyn iske asyrý. Óz bilim-biligin, dinı ortaǵa yqpalyn eskere otyryp, qazirgi tańda din salasyndaǵy problemalaryn zertteý ortalyqtary men toptary bilikti mamandarmen, teologtarmen tolyqtyrylǵan. Olar qoǵamdaǵy ımýnıteti qalyptastyrý jumysyna belsendi túrde tartylǵan. Negizgi basymdyq bul jerde jekelenip qalǵan adamdarmen betpe-bet jumys júrgizýge beriledi. Biligi joǵary dintanýshylar destrýktıvti aǵymdaǵy azamattarmen pikirtalasqa túsip, olardyń kózqarasynyń burys ekenine sendirip, dástúrli dinge tartady», - dedi UQK polkovnıgi.

Sergeı Shveıkınniń aıtýynsha, osy jumystardyń arqasynda ótken jyly 2 myńnan astam azamatqa qatysty jeke jumys óz jemisin bergen.

«Qazir destrýktıvti ıdeologııa taratqan belsendi qazaqstandyq mıssıonerlerdiń jumysyna tolyǵymen shekteý qoıyldy. Din salasyndaǵy mamandar shetelde teologııalyq bilim almaq nıettegi jastarmen jumysty jolǵa qoıdy. Dástúrli Islamnyń normalary tereń túsindirilip, sheteldik kúmándi oqý oryndarynyń tezısterin mán berýdiń qajeti joqtyǵy nasıhattalýda. Stýdentter qazir shetelden oralyp, otandyq teologııalyq oqý oryndarynda oqıtyn bolǵan. Osynyń arqasynda jastardyń radıkaldy toptarǵa qosylyp ketý qaýpi azaıyp keledi», - dedi ol.

Eske sala ketsek, elordada búgin Qazaqstan Dintanýshylarynyń HІ forýmy ótip jatyr. Sergeı Shveıkın jıynda Qazaqstanda destrýktıvti aǵymdy ustanatyndardyń sany 20 myńnan asatynyn aıtqan edi.