Destrýktıvti dinı aǵymdy ustanýshy pedofıl degen kúdikke ilindi
14:00, 18 Tamyz 2022
QARAǴANDY. QazAqparat - Destrýktıvti dinı aǵymdy ustanýshy pedofıl degen kúdikke ilindi, dep habarlaıdy QazAqparat Polisia.kz saıtyna silteme jasap.
ІІM, Almaty qalasy jáne Qaraǵandy oblysy boıynsha PD jáne UQKD qyzmetkerleriniń kelisilgen birlesken jumysynyń nátıjesinde 15 tamyzda kámeletke tolmaǵandarǵa qatysty seksýaldyq sıpattaǵy zorlyq-zombylyq áreketterin jasady degen kúdikpen respýblıkalyq izdeýde júrgen, «Tablıgı Djamaat» dinı-ekstremıstik uıymyn ustanýshy – Temirtaý qalasynyń turǵyny, 51 jastaǵy A. esimdi azamat ustaldy.
Qaskóı uzaq ýaqyt boıy Túrkııa men Qyrǵyzstanda jasyrynyp júrgen. Ári qaraı qylmystyq qýdalaý úshin A. esimdi azamat Qaraǵandy oblysynyń ýákiletti organdaryna beriletin bolady.