Destrýktıvti aǵymdardan turǵyndardy qorǵap qalý joly - aqparattan­dyrý - naıb ımam

  ASTANA. QazAqparat - Destrýktıvti aǵymdardyń keri áserinen elimizdiń turǵyndaryn qorǵap qalýdyń óte tıimdi ári nátıjeli joly - aqparattan­dyrý. «Nur-Astana» ortalyq meshitiniń naıb ımamy Ádilhan Serikbaı Astanadaǵy ETs-166/10 túrmesinde ótken sharada osylaı málim etti, dep habarlaıdy QazAqparat.

Qalalyq Din isteri jónindegi basqarma QAJ departamentine qarasty ETs-166/10 túzeý mekemesinde dinı birlestiktermen birlesken mańyzdy shara uıymdastyrdy.  Oǵan «Astana qalasynyń qylmystyq-atqarý júıesi departamenti» MM basshysy, ádilet polkovnıgi N. Rysbaev, «Astana qalasynyń Din Іsteri jónindegi basqarmasy» MM basshysy D. Esın jáne Astana qalasynyń dinı birlestikteriniń ókilderi qatysty. Atalǵan shara túzeý mekemelerindegi jazasyn óteýshiler arasynda dinaralyq tatýlyqty saqtaý, destrýktıvtik dinı aǵymdardyń taralyýynyń aldyn alý, teris aǵymdardyń zııandy tustaryn túsindirý jáne oǵan qarsy turatyn ımmýnıtet qalyptastyrýdy kózdeıdi.

Shara barysynda kelgen qonaqtar túzeý mekemesiniń barlyq ǵımaratyn aralap kórip, ondaǵy jazasyn óteýshilerdiń jaǵdaılarymen, teologtyń, psıhologtyń jáne basqa da qyzmetterdiń arnaıy maqsattaǵy kabınetterimen tanysty. Sondaı-aq sarapshylar qazirgi din salasyndaǵy máselelerdi talqylady.

«2011 jyly QR Dinı qyzmet jáne dinı birlestikter týraly» zań qabyldandy jáne sol qujat boıynsha dinı birlestikter qaıta tirkeýden ótti. Qazirgi tańda elimizde dinaralyq tatýlyqtyń kórkem úlgisi qalyptasqan, osyndaı tatýlyǵymyzdy árqashan basqalarǵa úlgi etýimiz qajet», - dep atap ótti Din isteri jónindegi basqarmasynyń basshysy Danııar Esın.  

Túrli din mamandary halyqty destrýk­tıvti dinı uıymdardan qorǵaý joldaryn atap ótti. «Din - ol shynaıy qarym-qatynas. Sýdyń da suraýy bar demekshi biz árbir isimizge jaýap beremiz. Sondyqtan da meıli ózge din ókili bolsa da oǵan degen mámilemiz durys bolýy qajet. Islam dininde dinaralyq tatýlyqqa asa mán beredi. Din máselesinde tolyqtaı habardar bolmaıynsha, qarapaıym halqymyz ártúrli destrýk­tıvti dinı uıymdardan zardap shegýdi doǵarmasy anyq. Destrýktıvti aǵymdardyń keri áserinen elimizdiń turǵyndaryn qorǵap qalýdyń óte tıimdi ári nátıjeli joly - aqparattan­dyrý», - dedi«Nur-Astana» ortalyq meshitiniń naıb ımamy Ádilhan Serikbaı.

Al, rım-katolık shirkeýiniń epıskoby Tomash Petta Bernard «bul shara óte paıdaly ári ortaq úıimiz Qazaqstannyń bir bólshegi bolǵan Sizderdiń ýaqytsha úılerińiz, ıaǵnı osy mekemedegi jaǵdaılaryńyzben tolyqtaı tanystyq, osyndaı jaǵdaı týǵyzyp otyrǵan mekeme basshylyǵyna alǵysym sheksiz, budan bylaı jıirek kelip kezdesip turýǵa ýáde beremin», - dedi.

Pravoslav shirkeýiniń ókili, Astana qalasynyń Serafım-Sarovskıı hramynyń arhımandrıty otets Ioasaf  bul mekemege aı saıyn kelip jazasyn óteýshilermen kezdesip turatyndyǵyn, jáne kezdesý barysynda dinaralyq tatýlyqtyń mańyzdy faktor ekendigin árdaıym aıtatyndyǵyn jetkizdi.

Atalǵan, is-shara qala ákimdigi janyndaǵy Dinı birlestiktermen baılanys jónindegi keńestiń jumysy aıasynda uıymdastyrylyp, bolashaqta júıeli túrde ótkiziledi dep josparlanýda.