Derevıanchenko Golovkınmen revansh ótkizýge qoıatyn shartyn aıtty

NUR-SULTAN. QazAqparat – Orta salmaqta óner kórsetetin ýkraınalyq boksshy Sergeı Derevıanchenko (13-2, 10 KO) qazaqstandyq Gennadıı Golovkınmen (40-1-1, 35 KO) revansh ótkizýge qoıatyn shartyn aıtty, dep habarlaıdy QazAqparat Sports.kz-ke silteme jasap.

«Boks – qubylmaly bıznes. Golovkın endi beldigin qorǵaıdy. Eger olar Alvarespen kelise almasa, bizdiń jekpe-jegimizdi ótkizýge kúsh salýlaryna bolady. Bul da úlken ári «aqshaly» aıqas bolady dep oılaımyn. Tipti, birinshisinen de qyzyqty bolýy múmkin», - dedi Derevıanchenko.

Derevıanchenkonyń ózi keler jyly Alvarespen nemese WBC chempıonymen jekpe-jek ótkizýdi josparlap otyr.

Eske sala keteıik, Derevıanchenko-Golovkın jekpe-jeginde qazaqstandyq boksshy tóreshilerdiń sheshimimen jeńiske jetken bolatyn.