Derekterdiń sapasyn tekseretin data-aýdıtor ınstıtýty qurylýy múmkin – Ulttyq bıýro

<p>Ulttyq statıstıka bıýrosy ınflıatsııany esepteý úshin derekterdi jınaý jáne onyń sapasyn tekseretin data-aýdıtor ınstıtýtyn qurý múmkindigin qarastyryp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Biz memlekettik organdardyń 150 derek bazasynyń jáne 3 000 astam anyqtamalyq jáne klassıfıkatorlardyń qurylymdaryna taldaý jasap, Smart Data Ukimet arqyly ıntegratsııalaý jumystaryn júrgizdik. Tirkelimder respondentterge túsetin salmaqty azaıtýǵa septigin tıgizedi», - dedi Ulttyq statıstıka bıýrosy basshysynyń orynbasary Jannat Dýbırova Astanada ótip jatqan «Demo day» is-sharasy barysynda.

Sondaı-aq is-shara barysynda «Ulttyq anyqtamalyq aqparat» jobasynyń tanystyrylymy ótti. Joba ártúrli azamattyq qoǵam uıymdary men jergilikti ózin-ózi basqarý organdarynyń anyqtamalyq derekterin qurýǵa, qurylymdaýǵa jáne basqarýǵa arnalǵan keshendi júıe.

Joba anyqtamalyq derekterdi qurýdy, ártúrli uıymdardyń derekterin salystyrýdy qamtamasyz etýdi jáne uzaq merzimdi saqtaýdyń qaýipsiz ári senimdi júıesin qurýdy qosa alǵanda, kóptegen mindetterdi sheshýge baǵyttalǵan.

Sonymen qatar «Demo day» aıasynda bıýro ınflıatsııany esepteý úshin derekterdi jınaýdyń jańa ádisteri, sondaı-aq ákimshilik derekterdiń sapasyn tekseretin data-aýdıtor ınstıtýtyn qurý týraly aıtyldy.