Derbes derekterińiz zańsyz taralǵany týraly habarlama alsańyz, ne isteý kerek

<p>ASTANA. KAZINFORM &ndash; Tsıfrlyq damý, ınnovatsııalar jáne aeroǵarysh ónerkásibi mınıstrligi derbes derekterińizdiń zańsyz taralǵany týraly habarlama alǵan kezde ne isteý kerektigin túsindirdi.</p>

«2023 jyldyń jeltoqsan aıynda «Qazaqstan Respýblıkasynyń derbes derekter jáne olardy qorǵaý týraly» Zańyna ózgerister engizildi. Osy ózgerister aıasynda Tsıfrlyq damý mınıstrligine jańa quzyret, ıaǵnı sýbektilerdiń derbes derekteriniń zańsyz taralyp ketýi boıynsha habarlaý quzyreti berilgen edi. Ótken aptada Memlekettik tehnıkalyq qyzmet júıesinen osyndaı derekterdiń zańsyz taralý faktisi anyqtaldy. Osy fakti aıasynda mınıstrlik tarapynan habarlama jiberildi. 2 mln-ǵa jýyq azamattyń derekteriniń zańsyz taralǵany anyqtaldy. Eger siz elektrondy úkimet portalynan derbes derekterdiń zańsyz taralýy boıynsha habarlama alsańyz, onda Tsıfrlyq damý mınıstrliginiń Aqparattyq qaýipsizdik komıtetine ótinishpen júginýińiz qajet», - dedi Aqparattyq qaýipsizdik komıtetiniń bas sarapshysy Yrysty Jálilhanova.

Onyń atap ótýinshe, derbes derekterdiń taralǵany týraly habarlama eki jaǵdaıda kelýi múmkin.

«Birinshi – sizdiń sol mıkroqarjy uıymynyń tutynýshysy bolýyńyz jáne derbes derekterińizdiń zańsyz taralýy. Bul ákimshilik jaýapkershilikke alyp keledi. Ekinshi – siz ol kompanııany múldem bilmeısiz, sonymen qatar derbes derekterińizdi jınaýǵa jáne óńdeýge kelisim bermedińiz. Mundaı jaǵdaıda da derekterdiń zańsyz taralýy qarastyrylady. Soǵan oraı ótinishpen júginý qajet», - dedi ol.

Bas sarapshynyń aıtýynsha, derbes derekterdiń taralýy azamattardyń bedeline nuqsan keltirýmen qatar Konstıtýtsııalyq quqyǵyna da zııanyn tıgizedi.

Buǵan deıin «Memlekettik tehnıkalyq qyzmet» AQ zaimer.kz «Robokesh.kz» JShS mıkroqarjy uıymynyń klıentteri sanalatyn qazaqstandyqtardyń 2 mıllıonnan astam jeke dereginiń taralýyn anyqtaǵanyn jazǵan edik.