Depýtattyqtan úmitti 200-den astam aqtóbelik kandıdat kýáligin aldy

AQTÓBE. QazAqparat – Aqtóbede Májilis jáne barlyq deńgeıdegi máslıhat depýtattyǵyna 712 adam ótishin berdi. Qazirgi kezde olardyń 251-i depýtattyqqa kandıdat kýáligin aldy, dep habarlaıdy QazAqparat tilshisi.

QR Parlamenti Májilisi men barlyq deńgeıdegi máslıhattar depýtattyǵyna 712 kandıdat tirkeldi.

Tirkelgen kandıdattardyń 80% astamy ózin-ózi usynǵan.

Bir mandattyq júıe boıynsha Májiliske 24, oblystyq máslıhatqa 85, Aqtóbe qalalyq máslıhatyna 155, aýdandar boıynsha 448 kanıdat usynyldy.

Qazirgi kezde zań talaptaryna saı tekserý júrip jatyr.

«Oblystyq máslıhatqa 6 partııadan kandıdat usynyldy. Olardyń jalpy sany – 59. Qazirgi ýaqytta tirkeý jumystary júrip jatyr. Tirkeý 18-aqpan kúni saǵat 18:00-de aıaqtalady. Kóshi-qon polıtsııasy men prokýratýra tekserýinen ótedi. Keıin salyq organdaryna deklaratsııa tapsyrady. Sonymen birge jarna tóleıdi. Osy satydan ótkenderine káýlik beriledi. Deklaratsııa qate bolsa, tirkeý týraly sheshimge ózgeris engizilip, kandıdattyǵyn toqtatady. Qazir barlyǵy 251 kandıdatqa kýálik berildi. Saıası partııa boıynsha «Amanat», «Aqjol» men «Aýyl» partııasynyń kandıdattaryna kýálik berildi. Qalǵan kúsh partııa qujattaryn tolyq tapsyrmady», - dedi oblystyq saılaý komıssııasynyń tóraǵasy Nurlybek Júsipov.

Eske salsaq, buryn oblys boıynsha 202 mandat boldy. Bul joly oblystyq máslıhatqa eki, qalalyq máslıhatqa bir mandat qosyldy.

Endi oblystyq máslıhatta 34 depýtat bolady. Onyń teń jartysy partııalyq tizimmen, qalǵany 17-i saılaý okrýgi arqyly saılanady.

Onyń 10-y Aqtóbe qalasynda, qalǵandary aýdandardan.

Al qala men aýdandarda barlyq depýtat bir mandattyq júıe arqyly saılanady.