Depýtattyq ókilettigi toqtatylǵan Andreı Lýkın qaıta senator bolyp saılanady

ASTANA. QazAqparat – Ortalyq saılaý komıssııasy Astana qalasynan shyǵyp qalǵan QR Parlamenti Senaty depýtatynyń ornyna saılaýda daýys berýdiń aldyn ala nátıjesin jarııalady, dep habarlaıdy QazAqparat tilshisi.

Astana qalasynyń saılaý komıssııasy usynǵan aldyn ala derekterge sáıkes, tańdaýshylardyń jalpy sany – 31. Degenmen, onyń 29-y daýys berýge qatysty.

«Tańdaýshylardyń daýystary kelesideı bólindi: Zeınulqabden Tabıǵat – 6, Saıranbek Ábilqaıyr – 4, Andreı Lýkın – 19», - delingen OSK habarlamasynda.

Osylaısha, daýys berýdiń aldyn ala nátıjesine sáıkes, kandıdat Andreı Lýkın eń kóp daýys jınady – 65,5%.

Kúni keshe Memleket basshysynyń Jarlyǵymen Qazaqstan Respýblıkasy Parlamenti Senatynyń depýtaty Andreı Ivanovıch Lýkınniń ókilettigi toqtatylǵan bolatyn.

Ol 2022 jylǵy 13 qazanda Aqylbek Kúrishbaevtyń ókilettigi merziminen buryn toqtatylýyna baılanysty bos turǵan orynǵa saılanyp otyr. Eske salsaq, A. Kúrishbaev basqa jumysqa aýysýyna baılanysty depýtattyq ókilettigin toqtatý jóninde ózi ótinish jasaǵan. Ortalyq saılaý komıssııasy bul ótinishti qarap, Senatqa tıisti usynym engizdi.

Buǵan deıin habarlaǵanymyzdaı, Astana qalasynan Senat depýtattyǵyna úmitker bolǵan 3 kandıdat arasynan Senat tóraǵasynyń keńesshisi Bıbigúl Jeksenbaı kóp daýys jınady.

Foto: parlam.kz