Depýtattardyń kezekten tys saılaýynyń Qazaqstan bolashaǵy úshin mańyzy zor - túrkııalyq baıqaýshy

ASTANA. QazAqparat - Depýtattardyń kezekten tys saılaýynyń Qazaqstan bolashaǵy úshin mańyzy zor. Bul pikirdi búgin Túrki tildes memlekketter parlamenttik assambleıasy mıssııasynyń baıqaýshysy, Túrkııa Respýblıkasy Uly halyqtyq jınalysynyń depýtaty Halıýk Ipek bildirdi.

«Baıqaý barysynda biz barlyq kandıdattardyń ózderiniń úgit jumystaryn zańnamany buzdastan júrgizip jatqanyna kýá boldyq», - dedi ol.

Onyń atap ótýinshe, barlyq saılaý ýchaskelerinde baıqaýshylardyń jumys isteýine tolyq jaǵdaı jasalyp, qajetti tehnıkalarmen jabdyqtalǵan.

«Qazaqstan óz táýelsizdiginiń 25 jyldyǵy qarsańynda prezıdenttik saılaýdy ótkizip, endi mine depýtattar saılaýyna daıyndalyp jatyr. Jyl saıyn baıqaýshylar sanynyń artqany baıqalady. Biz 20 naýryzdaǵy saılaýdyń demokratııalyq ustanymdarǵa saı ótetindigine senimdimiz. Bul saılaý Qazaqstan bolashaǵy úshin zor mańyzǵa ıe. Al saılaý nátıjesine oraı biz óz málimdememizdi jasaıtyn bolamyz», - dedi H.Ipek.